indovina indovinello, non è questo non è quello

Bepi e Toni i é n ciou la riva del Paveon e i parla tra de luore. La disputa é su algo, ma no se sa chè  … (che è chel che bisognarae ndovinà)!

Bepi : «Ma elo to sì o nò?»

Toni: «Nò, nò. Ei da ditelo come. Nò! No l é mè e gnanche lo volarae.»

Bepi (preocupou): «Ma alora, de chi elo?»

Ntanto e davoi rua Nanuto …

Bepi: «Oh Nanuto, siente ntin, elo par caso to?»

Nanuto: «Chesta sì che l é bela. Anche Pogna, n atimo fa, la me a fato la stesa domanda. Nò ciò, mè no l é.»

Toni: «Ma de calchedun l à pura da èse, nò?»

Nanuto: «Ma lui, sto argai, de chi dilo de èse?»

Toni: «Pò lui, nquanto lui, l va n giro a dì che l é nostro. Mè, to, sò, de dute noi nsoma.»

Nanuto: «Pò no te scherzarà mia. Elo de vero convinto de èse nostro. L è du fora de casela. Io no lo voi gnanche par nuia.»

Toni: «Ei bèlo dito la mea. Gnanche io no savarae che fei de lui.»

Bepi: «Ma vardé che l à dito che l é nostro, al lo à anche scrito, se no basta. Algo à da èse. Chè polo èse?»

Nanuto: «Mah, forse e Nadal, al se à da vé sentù n tin pi bon e l se à šlanzou. Al à volesto èse de dute. Come Gesù banbin.»

Bepi: «N fondo n fondo, no vedarae nuia de mal, se l dis de èse nostro… tegnónselo.»

Toni: «No te vos autro. Sasto chè che poi fei: chel che, dišon così, dovarae èse l mè toco, te lo laso volentiera. Tiéntelo tu.»

Nanuto: « Ciò Bepi, ciò, te laso anche l mè.»